Shahzoda Uilyam va Keyt Middltonning farzandi bilan bir kunda dunyoga keladigan britaniyalik bolalar sovg‘a sifatida maxsus kumush pennini qo‘lga kiritadi, deya xabar berdi Rossiyaning Birinchi kanali.
Foto: justjared.com
Qirollik zarbxonasi allaqachon bunday pennilarni 2 ming donadan ko‘proq miqdorda tayyorlab qo‘ygan. Har birining narxi 28 funt sterlingni tashkil etadi. Ularda mamlakat gerbi tasvirlangan.
Bunday maxsus pennilarni qo‘lga kiritish uchun, ota-onalar farzandi tug‘ilganidan boshlab 2 oy ichida internet orqali talabnoma yuborishi kerak. Unga bolaning tug‘ilganlik haqidagi guvohnomasi nusxasi ham ilova qilinishi lozim.
Qirollik oilasining iyul oyi o‘rtalarida kengayishi kutilmoqda.