Ukraina qo‘shinlarining Donetskdagi seshanba kungi operatsiyasi qurbonlari soni 100 tagacha yetishi mumkin. Donetsk xalq respublikasi vakillarining aytishicha, ulardan 20—50 nafari tinch aholi bo‘lgan. Bu haqda Euronews xabar berdi.

1646481_20140415195514

Foto: newsru.com

Ukraina mudofaa vazirligi esa halok bo‘lganlar sonini 200 ta deb e’lon qilib, ular orasidan faqat ikki kishi oddiy fuqaro ekanini ta’kidlagan.

Donetsk aeroporti yaqinida bo‘lib o‘tgan janglarda ukrain qurolli kuchlari aviatsiya va minomyotlardan foydalandi. Ikkala taraf ham bir-birini tinch aholi va yaralanganlarga qarata o‘t ochganlikda ayblamoqda.

Yana bir tasdiqlanmagan xabarga ko‘ra, vertolyot yaradorlarni olib ketayogan yuk mashinasini yo‘q qilgan, natijada 35 kishi halok bo‘lgan.