Toshkent shahrining Yunusobod tumanidagi maktabgacha ta’lim muassasalaridan birining oshpazi ovqat o‘g‘irladi. Bu haqda Toshkent shahar IIBBning “Ogoh” gazetasiga tayanib, “Kun” xabar bermoqda.

Foto: anhor.uz

Foto: anhor.uz

Xabar berishlaricha, Toshkent shahar Yunusobod tumanidagi bog‘chalardan birida oshpaz bo‘lib ishlaydigan 1986-yilda tug‘ilgan fuqaro tarbiyalanuvchilar uchun ajratilgan oziq-ovqat mahsulotlarini o‘g‘irlashga qaror qilgan.

U oziq-ovqat mahsulotlarini bog‘chadan yashirincha olib chiqib ketayotgan vaqtida Yunusobod tumani “Qo‘riqlash” xizmati xodimlari tomonidan ashyoviy dalil bilan qo‘lga tushgan.

Hozirgi vaqtda ushbu holat yuzasidan tergov harakatlari olib borilmoqda.