AQSh Ukrainada islohotlar o‘tkazilgan taqdirda Kiyevga 1 milliard dollarlik kredit berilishini kafolatlaydi. Bu haqda AQSh davlat kotibi Jon Kerri Kiyevda bo‘lib o‘tgan Ukraina bosh vaziri Arseniy Yatsenyuk bilan uchrashuvda ma’lum qildi, deb xabar bermoqda “Korrespondent.net”.

Foto: kyivpost.com

Foto: kyivpost.com

“Biz Ukrainada iqtisodiy islohotlar dasturini qo‘llab-quvvatlash uchun, shuningdek, hukumatning eng muhim ehtiyojlarini qondirish uchun 1 milliard dollarlik kredit berilishini kafolatlaymiz. Islohotlar davom ettirilsa joriy yilda yana 1 milliard dollarlik kreditni kafolatlashga tayyormiz”, − dedi Kerri.

Bundan tashqari, AQSh Donbassdagi ehtiyojlar uchun to‘g‘ridan-to‘g‘ri 16 million dollarlik yordam taqdim etgan. Shuningdek, Kerri Xalqaro valyuta fondi ham kredit ajratishi mumkinligiga ishora qilgan.