Qarshi shahrida tennis bo‘yicha sovrin jamg‘armasi 25 ming AQSh dollarini tashkil etuvchi turnir o‘z yakuniga yetdi. Quvonarlisi, ushbu musobaqada o‘zbekistonlik Sabina Sharipova g‘alaba qozondi, deb xabar bermoqda Olamsport.com.

Foto: olamsport.com

Foto: olamsport.com

Ikki set davom etgan final bahsida Sharipova rossiyalik Kseniya Likinani ortiqcha qiyinchiliksiz 6:2, 6:3 hisobida mag‘lub etdi.

Eslatib o‘tamiz, turnirda ikkinchi raqam ostida tasniflangan Sabina Sharipova Qarshidagi turnir davomida faqat rossiyalik tennischilardan ustun keldi. U avvaliga Yekaterina Yashinani 4:6, 6:3, 6:0, ikkinchi davrada Lyubov Vasilyevani 6:1, 6:3, chorak finalda Valentina Ivaxnenkoni 6:2, 6:4, yarim final uchrashuvida esa turnirda to‘rtinchi raqam ostida harakat qilgan Anna Pribilovani 7:5, 7:5 hisobida mag‘lubiyatga uchratdi.