Hindiston shimolidagi Jammu va Kashmir shtatida 11-may kuni yo‘lovchi avtobusi bilan sodir bo‘lgan yo‘l-transport hodisasi natijasida 23 kishi hayotdan ko‘z yumdi, 35 kishi turli tan jarohati oldi, deb xabar qiladi “TASS”.

Foto: ria.ru

Foto: ria.ru

Transport vositasi yo‘ldan chiqib ketgan va 60 metrli daraga qulagan. Dastlabki ma’lumotlarga ko‘ra, mashina haydovchisi boshqaruvni yo‘qotgan.

Okrug politsiyasi boshlig‘ining o‘rinbosari Yashi Mudgala so‘zlariga ko‘ra, shifoxonaga yetkazilgan 6 kishining ahvoli og‘ir.

“Voqea joyida qutqaruv operatsiyasi davom etmoqda va qurbonlar soni yana ortishi mumkin”, — dedi Mudgala.

Hindiston yo‘l-transport hodisalari natijasidagi o‘lim soni bo‘yicha dunyoda birinchi o‘rinda turadi. 2011-yilda mamlakat yo‘llaridagi avariyalarda 140 ming, 2012-yilda 150 ming kishi hayotdan ko‘z yumdi. YTHning 70 foizi odamlarning aybi bilan ro‘y beradi.