Rim papasi Fransisk 1990-yildan beri televizor ko‘rmagan, deya xabar bermoqda Nur.kz. Pontifik Argentinaning La Voz Del Pueblo gazetasiga ma’lum qilishicha, u televizor ko‘rishni o‘ziga ep ko‘rmaydi. Papa shuningdek internetdan foydalanmasligini ham tan oldi.

Foto: Nur.kz

Foto: Nur.kz

Rim papasi avvalgi hayotidagi narsalar orasida eng ko‘p erkinlik va pitsani sog‘inishini aytdi. “Ko‘chaga chiqsam, ko‘chalar bo‘ylab tinch, xotirjam aylansam, pitseriyaga kirib, pitsa tanovul qilsam – mana shuni sog‘inaman”, - dedi pontifik.

Bundan tashqari, Fransiskning so‘zlariga ko‘ra u faqat bitta – Italiyaning La Repubblica gazetasini o‘qiydi (e’tiborli tomoni, Vatikanning rasmiy gazetasi – L’Osservatore Romano’ni o‘qimaydi) va gazetani o‘qib chiqish uchun tongda atigi 10 daqiqa vaqt sarflaydi.

Shuningdek, papaning ma’lum qilishicha, sevimli futbol jamoasi – Argentinaning “San-Lorentso” jamoasi o‘yinlari natijalaridan uni Vatikandagi shveytsar gvardiyasi a’zolaridan biri xabardor qilib turadi.