Ispaniya huquqni muhofaza qilish organlari 2013-yilning aprel oyida boshlangan odam savdosiga qarshi kurash operatsiyasi doirasida “qariyb mingga yaqin” ayolni ozod etdi. Bu haqda qirollik politsiyasi rahbari Ignasio Kosido ma’lum qildi, deya xabar bermoqda “TASS”.

Ignasio Kosido. Foto: catholicnews.org.uk

Ignasio Kosido. Foto: catholicnews.org.uk

Kosido bergan ma’lumotlarga ko‘ra, o‘tkazilgan 500 maxsus operatsiya davomida mazkur jinoyatlarga aloqador “ikki mingga yaqin kishi” hibsga olingan. Politsiya rahbarining alohida qayd etishicha, qo‘lga olinganlar orasida ispaniyaliklar ko‘pchilikni tashkil qiladi.

Kosidoning qayd etishicha, odam savdosi global muammo bo‘lib, unga qarshi kurashda boshqa davlatlarning, birinchi galda, mazkur jinoyatlarning jabrlanuvchilari keladigan mamlakatlar ko‘magi zarur. Ispaniya politsiyasi rahbarining alohida ta’kidlashicha, jamiyatning hushyorligi bilan mazkur muammo ustidan g‘alaba qozonish mumkin.