Janubiy Sudan Xalqaro olimpiya qo‘mitasining 206-a’zosi bo‘ldi. Bu haqda O‘zbekiston Milliy olimpiya qo‘mitasi matbuot xizmati xabar bermoqda.

Foto: olympic.uz

Foto: olympic.uz

Mazkur qaror Xalqaro olimpiya qo‘mitasining Malayziya poytaxti Kuala-Lumpurda o‘tkazilayotgan 128-sessiyasida qabul qilindi.

Janubiy Sudan 2011-yili ichki mojarolar sabab Sudan tarkibidan ajralib chiqqach, shu yilning o‘zida Birlashgan Millatlar Tashkilotiga a’zo bo‘lgan edi.

Qayd etish joiz, xalqaro sport tashkilotlari orasida Xalqaro yengil atletika federatsiyalari assotsiatsiyasi (IAAF) 2014-yil noyabrida Janubiy Sudanni vaqtinchalik a’zo sifatida qabul qilgan.