Amerikalik reperlar Kanye Uest va Jey Zi yarashib oldi va qo‘shma musiqiy loyiha ustida ish boshlashni rejalashtirmoqda. Bu haqda kuni NME ma’lum qildi.

Foto: NME

Foto: NME

Artistlarga yaqin manba yangi material mislsiz bo‘lishini ma’lum qildi. “Kanye o‘ziga kela boshladi. O‘tgan yili u boshdan kechirganlarni hisobga olganda ba’zi yangi treklar hayratga soladigan darajada ajoyib bo‘ladi. Uning ustozi va ‘katta akasi’ Jey Zining e’tiborli g‘amxo‘rligi tufayli bu buyuk asar bo‘ladi”, — deya qo‘shimcha qildi u.

2016-yilning oktabrida Uest asab buzilishi va shifoxonaga yotqizilishidan avval Jey Zi va uning rafiqasi Beyonsega ta’na yog‘dirgan edi. Uest rafiqasi Kim Kardashyanga Parijda o‘g‘rilar hujum qilganda do‘sti uni yetarlicha qo‘llab-quvvatlamaganligini ma’lum qildi.

Bundan tashqari, reper sahnada turib Jey Zi uni o‘ldirish uchun killer yollaganligini bildirdi.

Kanye Uest prodyusser sifatida Jey Zi bilan ko‘p marta hamkorlik qilgan. 2011-yilda Uest va Jey Watch The Trone deb nomlangan qo‘shma albomini chiqargan. Ikkala artist ham Forbes talqiniga ko‘ra, eng boy reperlar o‘nligiga kiradi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.