Tojikistonlik qiz “Koinot tabassumi—2017” tanlovining g‘olibiga aylanishi mumkin

Tojikistonning Qayroqqum shahridan bo‘lgan Sadoqat Mamatqulova “Koinot tabassumi—2017” internet tanlovida ishtirok etmoqda, deb xabar berdi “News.tj”.

Ushbu “Koinot tabassumi” (Smile of Universe) tanlovida faqatgina tabassumning chiroyli ekanligiga qaraladi va g‘olibga 2000 dollar mukofot tapshiriladi.

“So‘nggi vaqtlarda dunyoda salbiy energiya — urushlar, falokatlar shu qadar ko‘payib ketdiki barcha tarafdan yopirilmoqda. Loyihaning asosiy maqsadi — butun koinotda tinchlikni targ‘ib qilish. Kelinglar ko‘proq tabassum qilaylik”, — deydi Smile of Universe tanlovining direktori hamda prodyuseri Leonid Xromov.

Tanlovda yashash joyidan qat’i nazar 18 yoshdan katta bo‘lgan barcha xotin-qizlar qatnashishi mumkin. Bo‘yi, og‘irligi, oilaviy ahvolining hech qanday ahamiyati yo‘q.

MDH davlatlaridan bo‘lgan ishtirokchilarning anketasi iyul oyining oxiriga qadar qabul qilinadi.