Xitoy olimlari sho‘r suvda yuqori hosilli guruch yetishtirishni o‘rgandi. Bu haqda “RIA Novosti” xabar bermoqda.

Foto: Fotolia

Guruchning yangi navi ma’lum navdan ishlab chiqildi, ammo seleksionerlar uning hisoldorligini uch barobarga oshirishga muvaffaq bo‘ldi. Tadqiqotchilar jamoasi yetakchisi Yuan Lunpinga ko‘ra, gibrid guruchni sho‘r yerda o‘stirish orqali 200 milliondan ortiq odamning qornini to‘ydirish mumkin bo‘ladi.

Guruch sotuvga chiqarildi, ammo uning narxi hozircha oddiy guruch narxidan sakkiz barobar yuqori. Mutaxassislar, shuningdek, yangi nav o‘ziga xos ta’mga egaligini qayd qilib o‘tdi.

Minglab odamlar yangi mahsulotni oldindan buyurtma qildi. Ishlanmalar olib borgan Yuan Ce Biological Technology kompaniyasi 10 million yuan daromad olishni ko‘zlamoqda.