Yangi Zelandiya politsiyasi Kraystcherchdagi ikkita masjidga hujum uyushtirgan Brenton Tarrantga terakt sodir etganlikda ayblamoqda, deb xabar berdi TJournal.

Foto: TJournal

Qayd etilishicha, endilikda Tarrant uch modda bo‘yicha ya’ni terrorizm, 51 kishini o‘ldirish va yana 40 kishini o‘ldirishga urinishda ayblanmoqda.

Politsiya hozirda tergov-surishtiruv ishlari davom etayotganini ma’lum qildi.

15-mart kuni qurollangan shaxslar Yangi Zelandiyaning Kraystcherch shahrida joylashgan ikkita masjidga hujum uyushtirgan.

Ular masjid ichkarisiga kirib, otishma uyushtirgan. Hujum oqibatida 51 kishi halok bo‘ldi, 48 kishi jarohatlandi. 28 yoshli Brendon Tarrant hozirga qadar hujumda ayblanayotgan yagona shaxs. U hujumdan kop o‘tmay qo‘lga olingan. Tarrant umrbod qamoq jazosiga hukm qilinishi mumkin.