Digital Generation jamoasi Qonliko‘l tumanidagi Yoshlar saroyida yosh dasturchilar uchun IT-treninglarini o‘tkazdi. Bu haqda Digital Generation IT-dasturi tashkilotchilari “Daryo”ga ma’lum qildi.

Foto: “Daryo”

Xabar qilinishicha, Digital Generation’ning o‘quv dasturi jamoaning bir guruh a’zolari va Toshkentdagi Inha universitetining talabalari tomonidan ishlab chiqilgan.

Digital Generation jamoasi tomonidan joylarda dasturlash bo‘yicha bir qator ochiq master-klass darslari tashkil etilgan.

Foto: “Daryo”

“Dastur doirasida ishtirokchilar Scratch, HTML, CSS, Python kabi dasturlash tillari orqali Android platformasi uchun mobil ilovalarni ishlab chiqish va web-saytlar yaratish (Front-end va Back-end dasturlash) bo‘yicha nazariy va amaliy bilimlarga ega bo‘ldilar”, — deyiladi xabarda.