Angliya chempionatining 12-tur uchrashuvlari 9-noyabr, shanba kuni davom ettirildi.

Foto: Twitter/@Chelsea

“Chelsi” jamoasi London derbisida “Kristal Pelas” bilan bahs yuritdi. “Stemford Brij”da kechgan bahsda Frenk Lempard shogirdlari ishonchli g‘alabani qo‘lga kiritdi.

Uchrashuvning 52-daqiqasida Temmi Abraham maydon egalarining dastlabki golini urdi. 79-daqiqada esa Kristian Pulishich hisobni 2:0 ko‘rinishiga keltirdi.

Shu tariqa “ko‘klar” ochkolarini 26 taga yetkazib olgan holda musobaqa jadvalida ikkinchi o‘ringa ko‘tarildi.

APL

12-tur bahsi

9-noyabr, shanba

“Chelsi” — “Kristal Pelas” 2:0

Gollar: 1:0 — 52 Abraxam, 2:0 — 79 Pulishich.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!