2019-yil 29-noyabrda O‘zbekiston Respublikasi aksiyadorlik tijorat Xalq banki ustav kapitali qo‘shimcha 2 164,2 milliard so‘m (227,9 million AQSh dollari)ga ortdi.

Shu kuni O‘zbekiston Respublikasi Tiklanish va taraqqiyot jamg‘armasi tomonidan Xalq bankining nominal qiymati 1 000,0 so‘m bo‘lgan 2 164 172 ming dona oddiy aksiyalari sotib olindi va buning natijasida O‘zbekiston Respublikasi Tiklanish va taraqqiyot jamg‘armasining bank ustav kapitalidagi ulushi 38,8 foizdan 70,1 foizga ko‘tarildi.

Bankning qolgan aksiyalariga O‘zbekiston Respublikasi Davlat aktivlarini boshqarish agentligi egalik qiladi hamda uning ulushi 29,9 foizni tashkil etadi.

Xalq bank ustav kapitali yil boshiga nisbatan 2 586 838,8 million so‘mga yoki 248,4 foizga ortib, 4 230,9 milliard so‘m (445,6 million AQSh dollari)ni tashkil etdi.

Reklama huquqi asosida.