Dunyo bo‘ylab koronavirus karantini tufayli hojatxona qog‘ozi aqlbovar qilmaydigan miqdorda xarid qilinayotgan bir paytda, fransuz dizayneri undan moda aksessuari sifatida foydalanish mumkin ekanini esga soldi, deb ma’lum qiladi “Buro 24/7”.

Jan-Pol Gotye Instagram sahifasiga 1992-yildagi kuz-qish kolleksiyasi namoyishidan olingan fotoni joylagan. Unda modellardan birining boshida aksessuar sifatida bir nechta hojatxona qog‘ozi o‘ramidan foydalanganini ko‘rish mumkin. Uzoqdan aksessuarning tuzilishi g‘ayrioddiy fatani esga soladi.

Dizayner “Jean Paul Gaultier’dan favqulodda vaziyatlar uchun to‘plam”, deb yozib qoldirgan.