15-may, juma kuni dunyoning turli burchaklarida olingan eng qiziqarli suratlar jamlanmasini taqdim etamiz.

Belgiyaning Knokke-Heyst shahrida ijtimoiy masofalanish haqidagi ogohlantirishlar qo‘yilgan to‘siqlar. Ayni damda mamlakatda yopiq tartib yumshatilishi reja qilinmoqda.

Foto: Reuters

Avstraliyaning Sidney shahridagi Bondi plyajida selfi qilayotgan ayollar. Ayni paytda Yangi Janubiy Uelsda qat’iy choralar yumshatilgan.

Foto: Getty Images

Xitoyning Uxan shahridagi yashash joyidagi sinov poligonida kutib turgan qizaloq. Shahar ma’muriyati 10 kun ichida deyarli 11 million aholisini koronavirusga tekshirib chiqadi.

Foto: Getty Images

Mavzuga doir: Xitoyda koronavirusga chalinish bo‘yicha 15 ta, Janubiy Koreyada esa 27 ta yangi holat aniqlandi

Italiyaning Florensiya shahrida restavrator suratlarni ta’mirlab chiqmoqda. Galereyalar 18-maydan keyin ochilishi belgilangan.

Foto: Getty Images

Afinadagi yaqinda ta’mirdan chiqqan, fontanlar bilan o‘ralgan Omoniya maydoni.

Foto: Rex

Mavzuga doir: Pandemiyani boshdan kechirayotgan dunyo shaharlarining yuqoridan olingan suratlari

O‘zbekiston Prezidenti Shavkat Mirziyoyev Sirdaryo viloyatiga tashrifi chog‘ida mahalliy aholi vakillari bilan uchrashdi.

Foto: Prezident matbuot xizmati

Mavzuga doir: Sardobadagi falokatdan jabrlanganlar yangi ko‘p qavatli uylarga va o‘zlarining ta’mirlangan hovlilariga 1-sentabrgacha ko‘chib o‘tishi mumkin bo‘ladi

Janubiy Afrikaning Keyptaun shahri yaqinidagi hududda qarovsiz qolgan bolalar oziq-ovqat uchun navbatda.

Foto: Getty Images

Berlinda parlament sessiyasi vaqtida spikerning nutqidan so‘ng navbatdagi so‘zga chiquvchi oldidan minbar tozalanmoqda.

Foto: EPA

Mavzuga doir: Ish endi avvalgidek bo‘lmaydi. Masofa saqlab ishlayotganlar — suratlarda

Fransiyaning Antib kommunasidagi Marinlend bog‘ida dekabr oyida tug‘ilgan oq ayiqchalar.

Foto: Rex

Venesuela poytaxti Karakasdagi maktabda o‘qituvchi internetga kira olmaydigan oilalar olib kelgan daftarlardagi uy vazifalarini tibbiy qo‘lqopda tekshirib chiqmoqda.

Foto: AP Photo

Germaniyaning Filipsburg shahridagi atom elektrostansiyasida ekspluatatsiyadan chiqarilayotgan qismning qulashi.

Foto: Reuters

Hindistonda farzandiga suv ichirib turgan ona. Mamlakatda 78 mingdan ortiq odam koronavirusga chalingani qayd etilgan.

Foto: EPA

Oq uy xodimlari AQSh prezidenti Donald Tramp uchib kelishidan avval traplarni tekshirib chiqmoqda.

Foto: “TASS”

Niderlandiyaning Xilvarenbek shahridagi bog‘ qayta ochildi. Buni jirafalarning avtomobilga bo‘y cho‘zib turganidan sezsa bo‘ladi.

Foto: EPA

Polshaning Varshava shahrida cho‘kib ketayotgan bug‘uni qutqarib qolishdi.

Foto: EPA

Filippinga Vongfong tayfuni kirib keldi.

Foto: EPA

Rossiyaning Petropavlovsk-Kamchatka hududida tumanli tun.

Foto: “TASS”

Sardoba falokati jabrlanuvchilariga tarqatilgan 40 million so‘mlik moddiy yordam sertifikati. O‘zbekiston Prezidenti Shavkat Mirziyoyev Sirdaryo viloyatidagi tashrifi davomida Sardoba, Mirzaobod va Oqoltin tumanlari aholisiga moddiy yordam sertifikatlari tarqatgan.

Foto: Prezident matbuot xizmati

Mavzuga doir: Sardobadagi falokatdan jabr ko‘rgan har bir xonadonga Shavkat Mirziyoyev nomidan 40 mln so‘mdan berildi

Buyuk Britaniyaning Brayton qirg‘oqlari bo‘yidagi teskari uy oldidan yugurib ketayotgan ayol.

Foto: Reuters

AQShning Pensilvaniya shtatidagi Markaziy katolik o‘rta maktabi bitiruvchilari masofa saqlab suratga tushmoqda. Bitiruv oqshomi bekor qilingan.

Foto: Reuters

Avvalgi kunlarning fotogalereyalari: