Toshkent tibbiyot akademiyasining ko‘p tarmoqli klinikasida yana 57 nafar, Andijon viloyatida esa 1 nafar, jami 58 nafar koronavirus infeksiyasiga chalingan bemor 12-iyun kuni sog‘aydi, deb xabar bermoqda SSV matbuot xizmati.

Qayd etilishicha, endilikda Toshkentda koronavirusdan sog‘ayganlar 1790 nafarga yetdi. Andijon viloyatida tuzalganlar esa 178 nafarga yetib, davolanayotgan bemorlar 3 nafarni tashkil etmoqda.

Bundan avval O‘zbekistonda 63 nafar bemor koronavirusdan tuzalib, jami sog‘ayganlar soni 3700 nafarga yetgani xabar berilgan edi. Endilikda ular soni 3758 nafarni tashkil etmoqda.

Kasallanganlarning umumiy soni esa 12-iyun soat 16:30 holatiga ko‘ra 4837 nafarga yetdi, virus asoratlaridan 19 kishi vafot etgan.