O‘zbekiston Sog‘liqni saqlash vazirligi huzuridagi koronavirusga qarshi kurash shtabi a’zosi Habibullo Oqilov AOKAda o‘tkazilgan brifingda koronavirusning yo‘q bo‘lishi uchun havo harorati qanday bo‘lishi kerakligi haqidagi savolga javob berdi.

Foto: “Daryo”

Habibulla Oqilovga “Kundan kunga havo isib bormoqda, koronavirus issiqda nobud bo‘lishi rostmi?”, degan savol berildi.

Uning so‘zlariga ko‘ra, koronavirus 30 daraja issiq va undan yuqori haroratda yuqish faolligini to‘liq yo‘qotadi. Havo namligining pasayishi va to‘g‘ridan to‘g‘ri tushuvchi quyosh nurlari virusni nobud qiladi. Havo harorati 70 daraja va undan yuqori bo‘lganda virus to‘liq yo‘qoladi.