12:23, 03.07.2020 // 87229

Bollivud aktyorlarining o‘ziga quyib qo‘ygandek o‘xshaydigan qizlari (foto)

Quyidagi yulduzlarning qizlarni ko‘rib, ularning otasiga ikki tomchi suvdek o‘xshashini payqash qiyin emas.

Shohruh Xon va qizi Suxana

Foto: “Yandeks Dzen”

Bollivud qiroli Shohrux Xon nafaqat mahoratli aktyor, balki oilaparvar inson ekani bilan ham muxlislar e’tirofiga sazovor bo‘lgan. Rafiqasi Gauri bilan salkam 30 yildan buyon baxtli hayot kechirayotgan aktyorning ikki o‘g‘li va bir qizi bor. Shohrux Xonning farzandlari, xususan, qizi Suxana otasiga ikki tomchi suvdek o‘xshaydi. 20 yashar Suxana ham otasining izidan borishni afzal bilgan chog‘i teatrlarda rol ijro qilib o‘z iste’dodini namoyon qilib keladi.

Amitabh Bachchan va qizi Shveta

Foto: “Yandeks Dzen”

Hind kinosanoatining tirik afsonasi Amitabh Bachchanning qizi Shvetaning tashqi ko‘rinishi otasiga juda ham o‘xshaydi. Ko‘rinishi o‘xshagani bilan ota va qizning kasb borasidagi tanlovlari bir-biridan farq qiladi. Ota-onasi yulduz ekani sabab barcha hind kinosining eshiklari ochiq bo‘lishiga qaramay, Shveta aktrisa bo‘lishni istamay dizaynerlikni tanlagan.

Ajay Devgan va qizi Nisa

Foto: “Yandeks Dzen”

Yulduzli juftlik Ajay Devgan va Kajolning bir o‘g‘il va qizi bor. Muxlislar aktyorning qiz farzandi Nisuning otasiga quyib qo‘ygandek o‘xshashini ta’kidlashadi. Ularning suratiga nazar tashlab esa o‘xshatish bejiz emasligini bilish mumkin.

Chanki Pandey va qizi Ananya

Foto: “Yandeks Dzen”

Aktyor Chanki Pandeyning 21 yashar qizi Ananya ota kasbini tanlagan. Uning tashqi ko‘rinishiga nazar tashlab, nafaqat tanlovi, balki qiyofasi ham otasiniki singari ekanini bilish mumkin.

Sunil Shetti va qizi Atya

Foto: “Yandeks Dzen”

Aktyorning qizi Atyaning ko‘rinishi va aqlliligi otasiga o‘xshaydi.

Akshay Kumar va qizi Nitara

Foto: “Yandeks Dzen”

Yoshligida Bollivudning deyarli barcha aktrisalari bilan uchrashgan aktyor turmush o‘rtoq sifatida Tvinkl Khannani tanlagan. Akshay Kumar 45 yoshida qizli bo‘lgan, unga qadar birgina o‘g‘li bo‘lgan. Qizi Nitara otasiga quyib qo‘ygandek o‘xshaydi.

Eng ko‘p o‘qilgan

Qidiruv