Uy hayvonlari saqlanuvchi “Hayot” boshpanasida yong‘in sodir bo‘ldi

“Hayot” uy hayvonlari saqlanuvchi boshpanasida 14-iyul soat 16:30 da yong‘in sodir bo‘ldi, deb xabar berdi Repost.

Yong‘inga yondosh daladagi quruq o‘tlarning yonib ketishi va boshpana qurilish maydoniga o‘tib ketishi sabab qilib ko‘rsatilmoqda.

“Bir nechta vasiylar va qo‘riqchidan tashqari hech kim jabrlanmadi”, — deydi boshpana asoschisi Iroda Matkarimova.

Hozirda yong‘in ochirilgan. Barchaga yordam ko‘rsatilgan.

Boshpana asoschisining so‘zlariga ko‘ra, yaqinda o‘tkazilgan brifingdan so‘ng, boshpanaga faqat karantinda bo‘lgan va uy hayvonlarini boqishga qodir bo‘lmagan odamlarning uy hayvonlarini qabul qilishga qaror qilingan.

Boshpanada hayvonlar faqat fuqarolarning ixtiyoriy badallari asosida saqlanadi.