Dunyodagi eng qimmat qo‘y Shotlandiyada o‘tkazilgan auksionda rekord summa 490,6 ming dollarga sotildi. Bu haqda The Independent xabar berdi.

Foto: The Independent

Qayd etilishicha, Double Diamond (Ikki karra olmos) laqabli qo‘y teksel zotiga mansub bo‘lib, bunday qo‘ylar  asosan ko‘payish uchun ishlatiladi. Shuningdek, ushbu zotdor qo‘y go‘shtining o‘ta sifatliligi bilan ham dovruq qozongan.

Qimmat qo‘y sotilishi bilan bog‘liq avvalgi rekord ham Shotlandiyada 2009-yilda o‘rnatilgan. O‘shanda zotdor qo‘y 231 ming dollarga sotilgan.