Pryanikli uy, bezedan qorbola: Yangi yil dasturxoni uchun shirinliklar tayyorlaymiz

Nafaqat uyni bezatish, bug‘u surati tushirilgan sviter kiyish, balki dasturxondagi shirinliklar ham Yangi yil shukuhini baxsh etishi mumkin. Bu borada quyidagi retseptlar sizga yordam bera oladi.

Qorbola ko‘rinishidagi beze

Tayyorlash uchun quyidagi mahsulotlar kerak bo‘ladi:

• tuxum oqi — 2 dona;
• tuz — bir chimdim;
• shakar — 60 gr;
• shakar kukuni — 60 gr.

Tayyorlanish jarayoni:

• Tuxum oqiga tuz qo‘shib, mikser bilan ko‘pik holiga keltiring.
• Oz-ozdan shakar qo‘shib, aralashtirishda davom eting.
• Shakar kukuni qo‘shing va yana aralashtiring.
• Qandolat qopchasiga soling va uch xil kattalikda dumaloq qilib listga terib chiqing.
• 100 daraja qizigan pechda 1 soat davomida pishirib oling, 1—15 daqiqada pech eshigini ochiq qoldiring.
• Pishganidan keyin qorbola ko‘rinishida tering va bezating.

Yangi yil g‘o‘lasi ko‘rinishidagi rulet

Kerakli mahsulotlar:

• tuxum — 6 dona;
• shakar — 6 osh qoshiq;
• un — 140 gr;
• kakao — 3 osh qoshiq;
• “razrixlitel” — 0,5 qoshiq.

Nachinka uchun:

• sut — 200 ml;
• un — 2 osh qoshiq;
• suyuq pishloq — 500 gr;
• tuxum — 1 dona;
• vanilin — 10 gr;
• shakar kukuni — 5 osh qoshiq;
• banan — 2 dona.

Tayyorlanish jarayoni:

• Xamir tayyorlash uchun tuxum oqini sarig‘idan ajrating.
• Tuxumga shakarning yarimini qo‘shib aralashtiring.
• Kakaoga un, “razrixlitel” qo‘shing va tuxum bilan aralashtiring.
• Aralashmaga tuxum sarig‘ini soling.
• Qandolat qog‘ozi solingan listga aralashmani soling va 210 daraja qizigan pechda 7 daqiqa davomida pishirib oling.
• Sutni qizdiring, un qo‘shib, pasta ko‘rinishidagi aralashma holiga keltiring.
• Olovni o‘chirib, tuxum qo‘shib aralashtiring.
• Xona haroratida erigan sariyog‘ soling.
• Shakar, shakar kukuni qo‘shib aralashtiring.
• Biskvitga krem surting, banan bilan bezatib chiqing.
• Ehtiyotkorlik bilan rulet shaklida o‘rang, 3 soatga muzlatkichga qo‘ying.

Ertaklardagidek uy ko‘rinishidagi shirinlik

Kerakli mahsulotlar:

• bug‘doy uni — 250 gr;
• javdari un (qora bug‘doy uni) — 250 gr;
• jigarrang shakar — 125 gr;
• kakao — 25 gr;
• asal — 250 gr;
• sariyog‘ — 125 gr;
• tuxum — 1 dona;
• dolchin — 1 choy qoshiq;
• zanjabil kukuni — 0,5 qoshiq;
• yong‘oq — 0,5 qoshiq;
• soda — 1 choy qoshiq.

Glazur uchun:

• tuxum oqi;
• shakar kukuni — 230 gr;
• ta’bga ko‘ra limon kislotasi

Tayyorlanish jarayoni:

• Un, kakao, yong‘oq, dolchin, zanjabilni qo‘shib aralashtiring.
• Idishda shakar, asal va sariyog‘ni aralashtiring va shakar erigunicha olovga qo‘ying.
• Unli aralashmaning yarmini shakarli aralashmaga qo‘shing.
• Tuxum qo‘shib yana aralashtiring, unning qolgan qismini soling va soda qo‘shing.
• Xamirni yaxshilab mushtlang va bir necha soat davomida tindiring.
• Xamirni 5 sm qalinlikda yoying va shablonga ko‘ra uy devorlari va tomini kesib chiqing.
• 200 daraja qizigan pechda 20 daqiqa davomida pishirib oling.
• Tuxum oqiga shakar, keyin esa limon kislotasini qo‘shib aralashtiring.
• Xamir pishganidan keyin sovuting va aralashma yordamida yopishtirib chiqing.
• Fantaziyangizga qarab bezatishingiz mumkin.

Yoqimli ishtaha!