Ijtimoiy tarmoqlarda Oliy sudning viloyat va unga tenglashtirilgan sudlar raislari uchun 26 ta Skoda Kodiaq va uchta Malibu-2 rusumli avtomobilni xizmat mashinalari sifatida xarid qilishga ruxsat berishni so‘ragan murojaatiga moliya vaziri o‘rinbosari Jamshid Abruyev tomonidan imzolangan vazirlik javobi tarqaldi. Bu haqda “Gazeta.uz” xabar qildi.

Foto: “Daryo”

Moliya vazirligi xatida qayd etilishicha, 2021-yil 1-oktabrdan boshlab sud ishlarini ko‘rib chiqishda bojlar va jarimalar to‘lashdan davlat budjetiga tushadigan mablag‘lardan Adliya tizimini rivojlantirish jamg‘armasiga ajratmalar miqdori, shuningdek, ijro hujjatlari bo‘yicha davlat budjetiga yig‘ilgan mablag‘lar 40 foizdan 5 foizgacha kamayadi.

Shu kundan boshlab staj stavkalari va malaka toifasi va toifa darajasi uchun qo‘shimcha to‘lovlar respublika budjetidan (hozirda — Sud hokimiyatini rivojlantirish jamg‘armasi hisobidan) to‘lanadi.

Moliya vazirligining qayd etishicha, shuningdek, Oliy sud avtomobillarni sotib olishga rozi bo‘lganligini va bunga qarshi emasligini bildirgan.

Natijada 27-may kuni Oliy sud huzuridagi Sudlarni qo‘llab-quvvatlash departamentining hududiy boshqarmalari 347 million so‘mga Skoda Kodiaq Ambition avtomobillarini (jami 9,02 milliard so‘m) va 369 million so‘mga Malibu-2’ni (1,1 milliard so‘m) sotib olishni boshladi. 29 ta avtomobilning umumiy miqdori 10,1 milliard so‘mni tashkil etadi.

Sotib olinadigan avtomobillar:

  • Buxoro viloyati sud raislari uchun — 2 ta Skoda Kodiaq Ambition (1, 2);
  • Qoraqalpog‘iston — 2 ta Skoda Kodiaq Ambition (1, 2);
  • Xorazm viloyati — 2 ta Skoda Kodiaq Ambition (1, 2);
  • Navoiy viloyati — 1 ta Skoda Kodiaq Ambition (1);
  • Samarqand viloyati — 2 ta Skoda Kodiaq Ambition (1, 2);
  • Sirdaryo viloyati — 2 ta Skoda Kodiaq Ambition (1, 2);
  • Surxondaryo viloyati — 2 ta Skoda Kodiaq Ambition (1, 2);
  • Qashqadaryo viloyati — 2 ta Skoda Kodiaq Ambition (1, 2);
  • Jizzax viloyati — 2 ta Skoda Kodiaq Ambition (1, 2);
  • Andijon viloyati — 2 ta Skoda Kodiaq Ambition (1, 2);
  • Farg‘ona viloyati — 2 ta Skoda Kodiaq Ambition (1, 2);
  • Namangan viloyati — 1 ta Skoda Kodiaq Ambition (1, 2);
  • Toshkent — 3 ta Malibu-2 (1, 2, 3)

Oliy sud matbuot kotibi Aziz Obidov nashrga avtomobillar sotib olinganligini tasdiqladi va bu “Sudlar to‘g‘risida”gi qonunning 79-moddasiga muvofiq amalga oshirilganligini ta’kidladi.

Uning so‘zlariga ko‘ra, ushbu mashinalarni sotib olishning sababi “xizmat muddati tugaganligi, shuningdek, viloyat sudlari raislarining xizmat mashinalarining ma’naviy va jismoniy jihatdan eskirganligi” bo‘lgan.

“Ayni paytda ijtimoiy tarmoqlarda sudlar uchun sotib olingan xizmat avtomobillari to‘g‘risida turli xil tanqidiy maqolalar chop etilmoqda. Ushbu maqolalarda qonun buzilganligi yoki biron-bir me’yoriy hujjatlar bajarilmaganlik holatlari ko‘rsatilgan emas. Shu bilan birga, bu sud idoralari uchun sotib olingan transport vositalariga ham tegishli emas”, — dedi u.

Gap Vazirlar Mahkamasining 29-apreldagi qarori, davlat xizmatchilarining xizmat avtomobillari narxi va yillik limitlarining cheklanganligi haqida ketmoqda. Ushbu cheklovlar sud hokimiyatiga emas, balki hokimlarga, vazirlarga va ijro hokimiyatining boshqa vakillariga nisbatan qo‘llaniladi.

Bundan avval Surxondaryo hokimligi qariyb 700 million so‘mga ikkita Skoda Kodiaq xarid qilgani hamda O‘zbekiston Mudofaa vazirligi 30 million so‘mga ikki dona tilla ruchka sotib olmoqchiligi haqida xabar berilgandi.

Korrupsiyaga qarshi kurashish agentligi direktori Akmal Burhonov mansabdor shaxslar pandemiya sharoitida davlat mablag‘larining samarali sarflanishi naqadar muhim ekanligini to‘la anglab yetmayotganini ta’kidlab, qimmat narxlardagi xizmat avtotransportlari xarid qilinayotganiga ham munosabat bildirgan.