Kun raqami: Beyonsening yangi obrazi xonandaga 32 ming dollarga tushdi (foto)

Xonanda Beyonse shou-biznesdagi eng yorqin yulduzlardan biri ekanligini namoyish etishga qaror qildi, uning navbatdagi chiqishi buni tasdiqlaydi.

Xonanda Beyonse Jay-Z bilan tushgan suratlarini Instagram sahifasiga joylashtirdi. Bu safar uning muhabbatga to‘la ko‘zlari emas, balki butunlay toshlar bilan bezatilgan Gucci x Balenciaga’ga tegishli libosi porladi. Beyonsening yangi obrazi xonandaga 32 ming dollardan oshiqroq pulga tushdi.

Beyonsening yorqin obrazi ikki brendga tegishli kumush rang bleyzer va shim bilan birlashtirilgan etik kombinatsiyasidan iborat. Shuningdek, yorqin tangalar bilan bezatilgan yurak shaklidagi Gucci sumkasi bilan boyitilgan.