Bollivud yulduzi Priyanka Chopra uy uchun kerakli barcha buyumni o‘z ichiga olgan Sona Home brendini ishga tushirdi (foto)

Manxettendagi juda muvaffaqiyatli hind oshxonasi loyihasidan so‘ng Priyanka Chopra va Manish Goyal yana hamkorlikda ish boshladi. Bu safar o‘ziga xos brendning nomi Sona Home deb nomlangan. Press-relizda yangi brend “eksklyuziv chinni, hashamdor choyshablar va fantastik aksessuarlarning ajoyib to‘plami” deb ta’riflanadi. Boshqacha qilib aytganda, uy uchun kerakli bo‘lgan barcha narsani o‘z ichiga oladi, deb yozadi Elle.

Barcha mahsulotlar ikki do‘stning ovqatlanish, suhbatlashish va ajoyib ziyofatlarga bo‘lgan muhabbatidan ilhomlanib yaratilgan. Birinchi to‘plamga “Sulton bog‘i” deb nomlangan o‘simlik va hayvonot naqshlari bilan bezatilgan 40 dona idish-tovoq kiradi. Narxlar 48 dollardan boshlanadi.