Belaruslik erkak qordan Fransiyada joylashgan mayoqning 9 metrlik nusxasini yasadi (foto)

Mayoqni yaratish uchun ikki haftadan ko‘proq vaqt kerak bo‘ldi. Bundan tashqari, mayoqning muz shiftiga yoritish tizimi ham o‘rnatilgan, deb yozadi “Pravila jizni”.

Minskda yashovchi Ivan Karpitskiy Fransiyada xavfli joylashuvi bilan mashhur bo‘lgan mayoq — La Jyumanning 9 metrga teng nusxasini qordan yasadi. U Instagram sahifasida o‘z ijodining namunalari bilan bo‘lishdi.

Unga mayoqni yasashi uchun 17 kun va 12 kub qor kerak bo‘ldi.

Mayoqning ichida yog‘och panjara, shuningdek, yoritish tizimi o‘rnatilgan muzli shift ham mavjud.

Bu Karpitskiyning qordan yasagan birinchi ijodiy namunasi emas. Uning boshqa e’tiborga molik asarlari qatorida qordan yasalgan “Masha va ayiq” animatsion seriyasiga asoslangan kompozitsiya, shuningdek, skripkali bola haykali bor.