Ko‘pgina ayollar tirnoqlarni parvarish qilishni professionallarga ishonishni afzal ko‘radi. Ammo salonga tashrif buyurish uchun bir nechta oddiy qoidalarga e’tibor qaratish lozim. AdMe nashri mukammal tirnoqlarga ega bo‘lish, xushmuomalalik va yoqimli taassurot qoldirish uchun manikyur mutaxassisi bilan muloqotda nimalarga e’tibor berishni ma’lum qildi.

Vaqtidan oldin tashrif buyurish

Foto: AdMe

Kechikish, albatta, hech kimga yoqmaydi: keyinroq kelgan bitta mijoz tufayli butun jadval o‘zgartiriladi. Ammo juda erta kelgan mijozlar ham mutaxassisni bir piyola qahva ichishga, tushlikni tugatishga yoki shunchaki biroz dam olishga imkon bermaydi. Albatta, bunday masalada belgilangan vaqtda kelish yaxshiroqdir.

Agar sizga dizayn yoqmasa, darhol ayting

Foto: AdMe

Masalan, qizil lakni tanladingiz, salon xodimi uni bitta tirnoqqa qo‘lladi va birdan buni tushundingiz: u sizga mos emas, kayfiyat o‘zgardi. Bunday vaqtda fikringiz o‘zgarganini aytishdan qo‘rqmang: eng yaxshisi, jarayon boshlanganidayoq uni to‘xtatish.

Qo‘llarni qimirlatish yoki taranglatish orqali yordam berishga urinmang

Foto: AdMe

Ba’zi mijozlar qo‘llarini burish, oldinga cho‘zish yoki boshqa harakatlar qilish orqali o‘zlari yordam berishga harakat qiladi. Ammo qo‘lni bo‘shatib, jim o‘tirilsa, bu mutaxassisga qulayroq bo‘ladi.

Smartfondan foydalanmang

Foto: AdMe

Albatta, agar shoshilinch qo‘ng‘iroq bo‘lsa, buni tushunish mumkin. Ammo to‘xtovsiz suhbatlashish, ijtimoiy tarmoqda o‘tirish yoki o‘yin o‘ynash odobsizlikning ko‘rinishi xolos. Birinchidan, manikyur yaxshi chiqmasligi mumkin, chunki bu bevosita mutaxassisni chalg‘itadi.

Salonga tashrif buyurishdan oldin tirnoqlarni olmang

Foto: AdMe

Manikyur ustasi har qanday uzunlikdagi tirnoqlarga o‘zi ishlov beradi. Ammo olingan tirnoqlar bilan ishlash ancha qiyin bo‘ladi. Shuning uchun tirnoqlar haddan tashqari o‘sib ketganidan xavotirlanmaslik kerak.

Ammo uyda tirnoqlarga g‘amxo‘rlik qilishni hech kim taqiqlamaydi

Foto: AdMe

Salonga tashriflar oralig‘ida tirnoqlarni tozalash yoki yumshatishning hech qanday yomon joyi yo‘q. Biroq manikyurdan oldin tasodifan nozik teriga zarar yetishi mumkin va xavfsizlik nuqtai nazaridan maxsus uskunalar bilan manikyur qilmaslik kerak.

Salonga tashrif buyurishdan oldin taxminan dizayn va rang haqida qaror qabul qiling

Foto: AdMe

Yangi manikyur qanday ko‘rinishini tasavvur qilib, so‘ngra salonga borish yaxshiroqdir. Xodimning arsenalida tanlash uchun yuz xil rang bor, shuningdek, dekorativ bezaklar. Agar tanlashni salonda boshlasangiz, ko‘p vaqt sarflashingiz mumkin.

Mutaxassisga tayyor suratni ko‘rsatish mumkin

Foto: AdMe

Albatta, har bir usta o‘z texnikasidan foydalanadi va, ehtimol, dizaynni aniq takrorlay olmaydi. Lekin sizga yoqqan rang kombinatsiyasi yoki naqshli surat tirnoqlarda nimani ko‘rishni xohlayotganingizni aniq ko‘rsatib beradi. Shuning uchun imkon qadar yoqadigan dizayn suratini taqdim etish tavsiya etiladi.

Iloji bo‘lsa, bolalarni o‘zingiz bilan olib kelmang

Foto: AdMe

Birinchidan, bolaning xavfsizligi uchun: bolalar lak bug‘lari va changni nafas olishlari shart emas. Ikkinchidan, bolalar juda qiziquvchan: ular stoldan xohlagan narsani, shu jumladan o‘tkir uskunalarni olishi yoki shunchaki ustani ishdan chalg‘itishi mumkin.