Украина президенти Пётр Порошенко Олий Радага кўриб чиқиш учун мамлакат мудофаа вазири лавозимига Степан Полторак номзодини тавсия қилди, деб хабар бермоқда «Сегодня».
Фото: rbc.ua
Ҳозирги пайтда Украина Миллий гвардияси қўмондони бўлган генерал-полковник билан учрашувда Порошенко номзоднинг юқори даражадаги ташкилотчилик қобилияти, мавқеси, ўрнатган тартиб-интизоми ва кучли жанговар руҳини алоҳида эътироф этган.
Аввалроқ, Украина президенти мамлакат мудофаа вазири Валерий Гелетейнинг истеъфога чиқиш тўғрисидаги сўровини қабул қилгани ҳақида хабар берилган эди.