Қозоғистон Бош прокуратураси мамлакат фуқаролари Афғонистон, Ироқ, Сурия ва Украина ҳудудларидаги «қайноқ нуқталар»га жўнаб кетишда давом этаётганини маълум қилди, деб хабар бермоқда Newskaz.ru.

Arxiv. Foto: kapital.kz

Архив. Фото: kapital.kz

Прокуратура қозоғистонлик ёлланма жангчиларнинг ушбу мамлакатлардаги жангларда иштирок этаётгани тўғрисида ишончли маълумотларга эгалигини таъкидлаган. Алоҳида шахсларнинг Украина жануби-шарқидаги жангларда қатнашиш учун жўнаб кетгани тўғрисидаги хабарлар борлиги айтилган.

Бундай ҳаракатлар Қозоғистон Республикаси қонунчилигига мувофиқ таъқиб этилиши айтиб ўтилган. Жумладан, Жиноят кодексининг 162-моддасига биноан қуролли можаролар учун ёлланиш, молиялаштириш, шунингдек, ёлланиш белгилари бўлмаган тақдирда ҳам хорижий давлатлардаги қуролли можароларда иштирок этиш жиноят ҳисобланади.