«Луганск халқ республикаси» вакили Владислав Дейнего айирмачилар томонидан ишлаб чиқилган, Украина конституциясига киритиладиган тузатишлар лойиҳасида Қрим Украинанинг бир қисми сифатида келтирилиши сабабини тушунтириб берди, деб ёзади Meduza.
Владислав Дейнего. Фото: ТАСС
Дейнего сўзларига кўра, ДХР ва ЛХР Минск келишувларига мувофиқ равишда Донбасснинг алоҳида туманлари мақоми ҳақида таклиф тайёрлади ва Қрим масаласига умуман тегмади, чунки у уларнинг ҳуқуқи доирасига кирмайди.
Украина конституциясининг 122-моддасида «Украина маъмурий-ҳудудий тузилиши тизимини Қрим Автоном Республикаси, вилоятлар, туманлар, шаҳарлар, шаҳар туманлари, қишлоқлар ташкил қилади», — дейилади.
Ушбу модданинг айирмачилар томонидан таклиф этилган версияси эса қуйидагича: «Украина маъмурий-ҳудудий тузилиши тизимини Қрим Автоном Республикаси, Донецк ва Луганск вилоятларининг махсус мақомга эга алоҳида туманлари, вилоятлар, туманлар, шаҳарлар, шаҳар туманлари, қишлоқлар ташкил қилади».