Тирноқларни уй шароитида гель-лакдан тозалашнинг икки хил усули билан танишинг.

Foto: “Maikuguru.ru”

Фото: «Maikuguru.ru»

Уй шароитида тирноқларни гель-лакдан тозалаш учун олдиндан қуйидагиларни тайёрланг:

- таркибида ацетон бўлган суюқлик;

- фольга;

- тирноқ текисловчи аррача;

- пахта дисклари;

- ацетон учун идиш;

Тирноқларни гель-лакдан тозалашнинг 1-усули:

- тирноқлар юзасига тозалаш вақтида қуриб қолмаслиги учун намловчи ёғ суриб қўямиз;

- ацетонли суюқлик солинган идишга тирноқларни 10 дақиқа давомида ботирамиз;

- аррача ёрдамида гель-лакни тозалаб ташлаймиз;

Тозалаб бўлганингиздан кейин қўлларингизни албатта совунлаб ювинг ва крем суриб қўйинг.

Тирноқларни гель-лакдан тозалашнинг 2-усули:

-1-усулдагидек тирноқларга ёғ суриб қўямиз;

- тирноқларнинг ҳар бири устига бўлакларга ажратилган ва ацетон шимдирилган пахта дискларини қўйиб чиқамиз;

- пахта дискларни фольга ёрдамида тирноқ устига маҳкамлаймиз;

- 10 дақиқадан сўнг пахта дискларни яна ацетонли суюқлик билан намлаймиз ва юмшаб қолган бўёқларни аррача ёрдамида тозалаб ташлаймиз;

Қўлларни совунлаб ювамиз ва крем суриб қўямиз.