Италия шимолидаги Генуяда А10 пуллик автомагистрали ўтган кўприк қулади. Шаҳар тез тиббий ёрдам хизмати раҳбарининг сўзларига кўра, ҳодиса оқибатида ўнлаб одамлар ҳалок бўлган — қурбонларнинг бир қисми кўприкда, бир қисми эса унинг остида эди. Бу ҳақда Meduza хабар бермоқда.

Фото: Meduza

Adnkronos нашрининг ёзишича, автомобиль ҳаракати «тўлиқ тўхтаб қолган». Кўприкка олиб чиқувчи тоннелларда ўнлаб автомобиллар тиқилиб қолган.

Фото: Meduza

Баландлиги салкам 50 метр бўлган кўприк турар жой бинолари, темирйўл излари ва саноат зонаси жойлашган водий бўйлаб ўтади. Сурат ва видеолардан хулоса қилинса, кўприкнинг марказийнинг қисми қулаганини кўриш мумкин.

Фото: Meduza

Италия темир йўллари маъмурияти Генуяда темирйўл ҳаракати тўхтатилганини маълум қилди.

Фото: Meduza

Кучли ёғингарчилик вақтида юз берган қулашнинг асл сабаблари ҳозирча маълум эмас. Маҳаллий аҳолининг сўзларига кўра, кўприк устунлари (асослари) мунтазам равишда таъмирлаб турилган.