Президент қарорига мувофиқ, 2019—2023 йилларда Ўзбекистон Республикаси автомобил саноатини ривожлантиришнинг асосий кўрсаткичлари белгиланди.

Фото: «Ўзавтосаноат» АЖ

Улар қуйидагилардан иборат:

енгил автомобиллар ишлаб чиқариш ҳажмини 350 минг донагача ошириш;

енгил автомобилларни маҳаллийлаштириш даражасини ўрта ҳисобда 60 фоизгача етказиш;

юк автомобиллари ва автобуслар ишлаб чиқариш ҳажмини 10 минг донагача ошириш;

автомобилларнинг йиллик экспорт ҳажмини 100 минг донагача етказиш;

корпоратив бошқарувнинг замонавий усулларини, шунингдек, «ЕRP» автоматлаштирилган ҳисобга олиш тизимини жорий этиш;

аҳолининг кенг қатламлари учун ҳамёнбоп бўлган енгил автомобилнинг янги замонавий модели ишлаб чиқарилишини назарда тутган ҳолда автомобилларнинг моделлар қаторини янгилаш;

«Ўзавтосаноат» АЖ таркибига кирувчи камида иккита аксиядорлик жамияти аксияларини маҳаллий ва халқаро фонд бозорларида бирламчи оммавий жойлаштириш (IPO) орқали инвесторларни жалб этиш.