Сингапурда йил бошидан буён Денге безгагидан 9 киши вафот этди. «ТАСС»нинг ёзишича, бу сўнгги йилларда кузатилган рекорд кўрсаткичдир.

Фото: Reuters

Таъкидланишича, Денге безгаги қурбонларининг барчаси Сингапурнинг турли бурчакларида яшаган. Ҳозирда умумий ҳисобда 9,1 мингта касалликка чалиниш ҳолатлари қайд этилган. Бу ўтган йилги кўрсаткичдан 5 баравар кўп.

Бундан ташқар, Денге ва бошқа оғир касалликнинг асосий тарқатувчиси бўлган Aedes aegypti чивинларининг яшаш жойлари 2018 йилга нисбатан 70 фоизга кўпайган.

Денге — вирусли инфекция бўлиб, тропик ва субтропик ҳудудларда нисбатан кенг тарқалган. Беморда юқори ҳарорат, кўнгил айниши, бош ва бел оғриғи, тошмалар кузатилади. Ҳозирда Денге безгагига қарши вакцина йўқ.