Покистон ҳукумати Лаҳор ва Ҳиндистон пойтахти Нью-Деҳли ўртасидаги автобуслар қатновини бекор қилди. Reuters’нинг қайд этишича, бу икки мамлакат ўртасидаги сўнгги жамоат транспорти йўналиши эди.

Фото: Reuters

Аввалроқ Покистон бошқа бир қатор автобус йўналишларини, шунингдек, иккита поезд қатновини ҳам бекор қилган эди.

Ҳиндистон 6 август куни Жамму ва Кашмир штатининг алоҳида мақоми бекор қилди: унинг ўрнида ваколати штатникидан кўра камроқ бўлган иккита ўзини ўзи бошқарувчи ҳудуд ташкил этилади. Кашмир аҳолисининг аксарият қисми мусулмонлардир; Покистон анъанавий тарзда уларни қўллаб-қувватлаб келади.

Покистон аввалроқ айнан Жамму ва Кашмир штати масаласи сабабли Ҳиндистон билан дипломатик алоқалар даражасини пасайтиришини, шунингдек, чегараолди савдосини тўхтатишини ҳам эълон қилган эди.