4 март, чоршанба куни, дунёнинг турли бурчакларида олинган энг қизиқарли суратлар жамланмасини тақдим этамиз.

Қашқадарё вилоятининг Косон туманида коронавирусга қарши ўтказилган машғулот.

Фото: Қашқадарё вилояти соғлиқни сақлаш бошқармаси

Мавзуга доир: Ўзбекистонда коронавирус тарқалган 14 давлатдан келган фуқароларни карантинга олиш ҳақида қарор қабул қилинди. Карантинни бузганлар жавобгарликка тортилади

Қочоқлар учун вақтинчалик лагерга айлантирилган Идлибдаги стадионда ўйнаётган болалар.

Фото: AFP

«Ўргимчак одам» лақабини олган француз Ален Робер хавфсизлик воситаларисиз Барселонадаги Агбар биносига кўтарилди. У ўз ҳаракатлари билан коронавирусга қарши кураш муаммоларига эътибор қаратмоқчи эканлигини билдирди.

Фото: Reuters

Неаполдаги «Сан-Паоло» стадиони Италия Кубоги ярим финалидаги «Наполи»—«Интер» ўйини олдидан дезинфекция қилинмоқда. Аммо ўйин коронавирус сабаб қолдирилди.

Фото: Reuters

Мавзуга доир: Бўм-бўш кўчалар, фидойи дорихоначи, «испан гриппи» туфайли ёпилган бар. Италиянинг «қизил зонаси»дан суратлар

Ҳиндистоннинг Гувахати шаҳрида Just Be Friendly ташкилоти ходимлари дайди итни тутмоқда. Вакцинация қилиниб, бичилгандан сўнг уйсиз ҳайвонлар яна қўйиб юборилади.

Фото: EPA

Шимолий денгизда тўлқинлар орасидаги сёрфер.

Фото: PА

Грециянинг Митилини шаҳридаги портда қочоқлар гуруҳини тарқатишга уринаётган полициячи дубинка билан мигрантни урмоқда.

Фото: Reuters

Париждаги Лувр музейига кириш учун навбатда турган ташрифчилар. Коронавирус туфайли икки кунга ёпилган музей яна очилди.

Фото: AFP

Мавзуга доир: «Дарё» оқшоми: Хитой коронавирусни енгмоқда, дунёда вазият қандай? Коронавирус бўйича 4 мартнинг асосий хабарлари

Қарши тумани ҳокими этиб тайинланган Мақсуда Мустафоевага вилоят Маҳалла ва оила масалалари бошқармаси бошлиғи ўринбосари Январ Иноятов, Қашқадарё вилояти ҳокими Зоир Мирзаев, Президент маслаҳатчиси Шерзод Кудбиев оқ фотиҳа бермоқда.

Фото: Қашқадарё вилояти ҳокимлиги ахборот хизмати

Актриса Тильда Суинтон ва либослар бўйича рассом Сэнди Пауэлл Скарлетт Йоханссон, Бред Питт, Пон Чжун Хо ва яна бошқа 100 дан ортиқ машҳурларнинг имзоси туширилган костюм олдида турибди. Пауэллнинг «Оскар» ва «Бафта»га кийган костюми аукционга қўйилади.

Фото: AFP

Коронавирусдан ҳимояланиш бўйича қўлланмага асосан Ҳиндистоннинг Секундеробод шаҳридаги ўқувчилар қўлини совунлаб ювмоқда.

Фото: Getty Images

Мавзуга доир: Экспертлар коронавирусни юқтиришга кимлар камроқ мойил эканлигини маълум қилди

Ким Чен Ин ташриф буюрган КХДР армияси машғулотлари вақтида отилган ракеталар.

Фото: Reuters

3 мартга ўтар кечаси АҚШнинг Теннесси штатидаги Нэшвилл шаҳрида кучли торнадо ёпирилди. Ҳодиса оқибатида 25 киши ҳалок бўлди.

Фото: Reuters

Мавзуга доир: АҚШда аэропорт ва уйларни вайрон қилган, ўнлаб одамлар ўлимига сабабчи бўлган торнадо оқибатлари (фото)

Россиянинг Уссурийск шаҳрида хизмат итлари иштирокидаги «Содиқ дўст» мусобақасининг биринчи босқичи ўтказилди.

Foto: «ТАСС»

Индонезиянинг Жокьякарта шаҳридаги бозордан аҳоли Empon-empon Corona номини олган доривор ўсимлик сотиб олмоқда. Ушбу ўсимлик коронавирусдан ҳимоя қилади деб ҳисобланмоқда.

Фото: Getty Images

Мавзуга доир: ЖССТ коронавирус ва гриппдан ўлим даражасини таққослади

Зимбабвенинг Хараре шаҳридаги кўп қаватли уй ҳовлисида дорга осиб қуритилаётган кийимлар.

Фото: AP Photo

Туркиянинг Греция билан чегараси яқинида палаткада ўтирган суриялик аёл ва унинг боласи. Бу вақтда бошқа қочоқлар овқат учун навбатда турибди.

Фото: Getty Images

Мавзуга доир: Фоторепортаж: Туркия орқали Европага йўл олган қочоқлар

Ҳимоя костюмларини кийиб олган ҳарбийлар Сеулдаги дўконлар жойлашган кўчани дезинфекция қилмоқда.

Фото: Reuters

Европа комиссияси президенти Урсула фон дер Ляйен экофаол Грета Тунберг билан Брюсселда суҳбатлашмоқда.

Фото: Shutterstock

Ҳиндистоннинг Ассам штатидаги қўриқхонадаги каркидон қуш.

Фото: EPA

Брюссель аэропортида дорихоначи тиббиёт ниқобларини пакетга жойламоқда.

Фото: Reuters

Мавзуга доир: ЖССТ коронавирусга қарши курашишда ҳар ой қанча тиббий ниқоб кераклигини маълум қилди

Мексикадаги черковда авлиё аёлларнинг ҳайкали ва сурати гендер зўравонлигига қарши норозилик белгиси сифатида бинафшаранг мато билан тўсиб қўйилди.

Фото: Reuters

Аввалги кунларнинг фотогалереялари: