18 март, чоршанба куни, дунёнинг турли бурчакларида олинган энг қизиқарли суратлар жамланмасини тақдим этамиз.

Уханда коронавирус авж олган пайтда Хитойнинг турли бурчакларидан келган шифокорлар яна қайтиб кетмоқда. Ухань вокзалида полициячилар уларни ҳурмат билан кузатиб қўймоқда.

Фото: Reuters

Бангкокдаги Ват Траймит ибодатхонаси ҳудудини ишчилар дезинфекция қилмоқда. 5,5 тонналик Будданинг олтин ҳайкали сақланадиган ушбу ибодатхонага ҳар куни минглаб туристлар ташриф буюради.

Фото: AFP

Париждаги Барбес бозори олдидаги полиция машинаси. Карантин туфайли одамларга фақат энг зарур вақтда кўчага чиқиш рухсат берилган.

Фото: AFP

Нью-Йоркдан Сан-Францискога учаётган йўловчилар бўш ўриндиқлар орасидан ўтмоқда.

Фото: Reuters

Тошкентнинг Қўйлиқ даҳасидаги водий «питаги»да йўлга чиқишни кутаётган, оғиз-бурнини рўмолча билан ёпиб олган йўловчи.

Фото: «Дарё»

Тошкентнинг Қўйлиқ даҳасидаги водий «питаги»да юрган савдогар.

Фото: «Дарё»

Непалдаги карантин зонаси.

Фото: Reuters

Токиода коронавирусдан ҳимояланиш учун ниқоб тақиб, сайр қилаётган эркак.

Фото: Reuters

Аляскадаги ит қўшилган чаналар пойгаси ғолиби норвегиялик Томас Вернер финишга етиб келмоқда.

Фото: AP Photo

Лондондаги Хитроу аэропортида бош-оёқ ҳимоя кийимини кийиб олган саёҳатчи юкларини олиб кетмоқда.

Фото: AP Photo

Теҳронда ҳимоя ниқобларини тақиб олган банк ходимлари мижозлар билан полиэтилен целлофан ортидан мулоқот қилмоқда. Эронда коронавирусга чалинганлар сони 17 мингдан ошиб кетди.

Фото: Reuters

Исломободдаги бозор яқинида тиббий ниқобларни сотаётган покистонлик болакай.

Фото: AFP

Коронавирус туфайли юзлаб кемалар Сиэтлдаги пристанда тўхтаб турибди.

Фото: Reuters

Тошкентнинг Қўйлиқ даҳасидаги водий «питаги»да акасининг ниқобини тўғрилаб қўяётган қизалоқ.

Фото: »Дарё»

Ниқобдаги ҳарбийлаштирилган офицерлар Пекин кўчалари бўйлаб юриб кетмоқда.

Фото: Reuters

Британиянинг Уорик шаҳрида янги туғилган қўзичоқлар.

Фото: PA Media

Малайзияликлар Сингапурга кириш тақиқланишига бир неча соат қолганда мазкур мамлакатга киришга уринмоқда ҳамда Малайзия ва Сингапурни боғлаб турувчи Causeway кўприги устида тирбандликни юзага келтирди.

Фото: EPA

Чикагодаги океанариумда Веллингтон лақабли пингвин океанариумдаги бошқа жонзотларни томоша қилмоқда. Океанариум ташрифчилар учун ёпилганидан сўнг пингвинларга бемалол сайр қилиш имкони берилди.

Фото: Reuters

Нью-Йоркда коронавирусга бағишланган матбуот анжуманида журналистлар бир-биридан маълум бир узоқликдаги масофада ўтирибди.

Фото: Reuters

Киевдаги метро станциясида охирги поездни кутаётган мусиқачи скрипка чалмоқда. Коронавирус хавфи туфайли Украинада метро ёпилди.

Фото: Reuters

Пхеньянда янги шифохона қурилишига тамал тоши қўйилди. Ким Чен Ин қурилишни Меҳнат партияси ташкил этилганлигининг 75 йиллиги нишонланадиган 10 октябргача тугатишга кўрсатма берди.

Фото: KCNA

Коронавирус туфайли чегараларда назорат кучайтирилгач Германия ва Польша чегарасида кўп километрли тирбандликлар ҳосил бўлди.

Фото: EPA

Олимпия машъаласини олиб келиш учун Токиодан Грецияга махсус рейс жўнатилди.

Фото: AP Photo

Ҳиндистоннинг Ассам штатидаги қишлоқда тиббиёт ходимлари маҳаллий аҳолига коронавирус ҳақида тушунтириш бериб, қўлларни қандай ювиш кераклигини кўрсатиб берди.

Фото: EPA