АҚШда полиция томонидан қўлга олинган афроамерикалик Жорж Флойднинг ўлими сабабли юзага келган норозиликлар фонида Майами полицияси қотил ҳамкасби учун тиз чўкиб кечирим сўради.
Фото: Twitter / @Aluta_Shaban
Ижтимоий тармоқларда ва ОАВларда Майами полицияси ходимларининг намойишчилар билан бирга тиз чўкиб тургани акс этган суратлар пайдо бўлди.
Фото: Twitter / @Aluta_Shaban
Фото: Twitter / @Aluta_Shaban
Фото: Twitter / @Aluta_Shaban
Маълум қилинишича, 30 май куни тунда Майамида юз берган намойишлардан кейин 50 нафардан ортиқ одам ҳибсга олинган. Шунга қарамай, 30 май куни полициячилар ва намойишчилар биргаликда тиз чўкиб, сукут сақлаган.
Фото: Getty Images
Фото: WPTV
Фото: WPTV
АҚШнинг турли ҳудудларидаги кўплаб полициячилар Миннеаполис полициячиларининг Жорж Флойд ўлимига сабаб бўлган ҳаракатларини оқлаб ва қабул қилиб бўлмаслигини билдирган.
Эслатиб ўтамиз, Миннеаполис шаҳри полицияси вакили 25 май куни 46 ёшли афроамерикалик Жорж Флойдни қўлга олиш чоғида уни тутиб, ерга ётқизган ва тиззаси билан бўйнини босган. Полициячи уни шу тариқа узоқ вақт ушлаб туриши Жорж Флойднинг ўлимига сабаб бўлган. Ҳолат акс этган видео ижтимоий тармоқларда тарқалгач, АҚШнинг турли ҳудудларида норозилик намойишлари бошланган. АҚШнинг 25 та шаҳрида оммавий норозиликлар сабаб комендантлик соати эълон қилинди. Дональд Трамп Оқ уй қаршисида содир бўлган норозилик намойиши вақтида ерости бункерига беркингани маълум бўлди.