Она бўлиш арафасида турган актриса Асал Шодиева Instagram’даги Stories орқали мухлисларининг саволларига жавоб берди. Хусусан, у ўзи суратга тушган қайси фильмларни севиб томоша қилиши ҳақида айтди.

Фото: Instagram / @asalshodiyeva

Асалнинг айтишича, ўзи иштирокидаги «Жаноб ҳеч ким», «Ҳай ҳай қизалоқ» ҳамда «Исломхўжа» фильмларини қайта-қайта томоша қилади.

«Ҳай ҳай қизалоқ» фильмидан кадр

Фото: YouTube

Актрисанинг мухлисларидан бири «Айтишларича, сиз ЭКО ёрдамида ҳомиладор бўлган экансиз, шу ростми?» — дея савол берди.

«Йўқ, бу нотўғри маълумот, мен ҳомиладорлик пайтида ҳатто витаминлар ҳам ичганим йўқ», — дейди актриса. Шунингдек, у сунъий уруғлантириш орқали ҳомиладор бўлишга қарши эмаслигини ҳам билдирди.

Фото: Instagram / @asalshodiyeva

«Сизни қачон киноларда кўрамиз?» деган саволга у «Янги сериалда кўришингиз мумкин», деб жавоб берди.

Асалнинг ёзишича, ҳомиладорлик даврида унинг қўл ва оёқларида шиш кузатилмоқда.

«Шунинг учун наъматак дамламасини ичяпман», — дейди Асал.

«Карантин тамоман тугаганидан кейин нима қиласиз?» деб сўради актрисадан мухлиси.

«Болалар хонасига кўчиб ўтаман ва тагликларда чўмиламан», — деди Асал Шодиева.

Аввалроқ актриса бахти ва орзуси ҳақида айтиб ўтган эди.