Дастлаб бошқа актёрлар ўйнаши керак бўлган ҳинд киносидаги машҳур персонажлар (фото)

Киносаноатда ҳамма нарса бўлиши, сценарийларга тўсатдан ўзгартириш киритилиши, режиссёрлар бош қаҳрамон сифатида кўрган актёр ва актрисалар қолиб, хаёлга ҳам келмаган бошқа юлдузлар суратга олиш жамоасига келиб қўшилиши мумкин.

«Ананд» 

Раж Капур 1971 йилда суратга олинган «Ананд» номли фильмда бош қаҳрамон ролини ижро қилишдан бош тортган. Шундан кейин бу ролни Ражеш Кханна ўйнаган. Бугунги кунда мазкур фильм ҳинд кинематографиясидаги энг яхши ижод намуналаридан бири саналади.

«Нагина» ва «Чандни»

«Нагина» ва «Чандни» — Шридеви карьерасидаги энг ёрқин фильмлардан биридир. Аслида эса мазкур фильмларда Жая Прадҳа ва Рекҳа суратга тушиши керак бўлган.

«Ёввойи» ва «Учинчи қават» 

Дев Ананд «Ёввойи» ва «Учинчи қават» фильмларида суратга тушиши керак бўлган. Аммо фильм ижодкорлари билан келиша олмагани сабаб иштирок этиш фикридан воз кечган. Оқибатда унинг ўрнига Шамми Капур танланган.

«Ака ва сингил»

Дев Ананд Заҳида Ҳуссаинни «Ака ва сингил» фильмидаги бош қаҳрамон сифатида кўрган. Бундан аввалроқ «Саргузашт» фильмида қайлиғи ролини ижро қилган актриса Девнинг синглиси сифатида суратга тушиш мантиқсиз деб ҳисоблаган. Шундан кейин мазкур ролни ижро қилиш учун Зинат Аман танлаб олинган. Айнан мазкур ижро актрисанинг танилишига сабаб бўлган.

«Фирибгар»

«Фирибгар» фильми ижодкорлари аввалига Шридевига иккита қаҳрамон ролини ижро қилишни таклиф қилмоқчи бўлган. Аммо сюжетга кўра, Шридевининг ўлдирилишини мухлислар қабул қила олмайди, деб ҳисобланган ва унинг ўрнига Кажол ва Шилпа Шетти таклиф қилинган.

«Юра даври хиёбони»

Режиссёр Стивен Спилберг Шридевига «Юра даври хиёбони»да суратга тушишни таклиф қилган. Аммо Болливуддаги фаолиятида узилиш бўлишини истамаган актриса унга рад жавобини берган.

«Вақт»

Режиссёр Раж Чопра «Вақт» фильмини Притхвираж Капур ва унинг уч ўғли — Раж, Шамми ҳамда Шаш билан бирга суратга олишни режалаштирган. Аммо фақатгина Шаши Капурга мазкур фильмда роль ижро қилиш насиб қилган. Бунга режиссёрнинг дўсти берган маслаҳати сабаб бўлган. У Ака-ука Капурлар ўзини экранда бегонадек тутишига мухлислар ишонмаслигини айтиб, актёрлар таркибини ўзгартиришни тавсия қилган.

«Сангам»

Раж Капур томонидан танланган Дилип Кумар «Сангам» фильмида суратга тушишни рад этганидан кейин мазкур роль Ражендра Кумарга насиб қилган.

«Севги риштаси»

1981 йилда суратга олинган мазкур фильмда Парвин Баби ва Смита Патил суратга тушиши керак бўлган. Рад жавобини олган Амитабҳ Баччан уларнинг ўрнига Рекҳа ва Жаяни таклиф қилган.