Ҳашамат ва қулайликда машҳур Версал саройини ҳам ортда қолдирадиган Бавария қироли қасри (фото)

Инсоният тарихида ерларни эгаллаб олиш ва кўпроқ қудратга эга бўлишни истаган ҳукмдорларни кўплаб учратиш мумкин. Улардан фарқли равишда Бавария қироли Людвиг II, энг аввало, гўзалликни севарди. У орзулар, шеърият ва опера билан яшаганлиги сабабли ҳам сиёсатга бегона бўлган, ўзига хос ноёб монарх эди. У нафис дидли инсон сифатида, шунингдек, ўз даврининг энг сирли ва фожиали сиймоларидан бири сифатида абадий қолган. Одамлар уни ажойиб подшоҳ деб атай бошладилар, чунки у ўзининг ажойиб мероси — шахсий назорати остида қурилган энг ҳашаматли саройларни қолдирди.

У ушбу ажойиб бинолардан бирини француз монархи Людовик XIV шарафига яратган.

Ёғоч ишлаб чиқарувчи компания томонидан дарахтларнинг тўлиқ кесилишидан норози бўлган Херрен ороли аҳолисининг шикоятлари ҳукмдорни ернинг бир қисмини сотиб олиб, у ерга сарой қуришга ундади. Шундай қилиб, у нафақат ўрмонни йўқ бўлиб кетишдан сақлаб қолди, балки ўзининг навбатдаги орзусини ҳам амалга оширди.

Меъморлар Георг вон Долман ва Юлиус Хофман бор маҳоратларини намойиш этишга ҳаракат қилишган.

Версал билан жуда ўхшашлигига қарамай, Бавария қиролининг қасри ўша пайтдаги барча замонавий қулайликларга эга эди. Афсонавий тасвирлар билан безатилган лифтлар, ҳаммом, оқова сув ва ҳаттоки бассейн ҳам гўзаллик, ҳам техник жиҳатдан мукаммал эди. Умуман олганда, Херренкимзее Версалнинг нусхаси эмас, балки ҳашамат ва қулайликда ундан бир неча бор устун бўлган.

Людвиг II қурдирган заллар ва шахсий хоналарида нафис барокко услуби устунлик қилади.

Дабдабали интерьер учун жуда кўп миқдорда олтин ва биллур ишлатилган.

Деярли барча хоналарда монархнинг портретлари жойлаштирилган.

Людовикнинг ҳайкали худолар ва нимфалар билан бирга даҳлизнинг ички қисмига жуда мос тушган.

Херренкимзее саройида подшоҳнинг кечки овқати учун ғайриоддий кўчма стол бўлган, у пастки қаватда жойлашган бўлиб, лифт билан олий мартабали хоналарга кўтарилган.

Зинапоя юқорисида кундузи ёруғлик тушадиган шиша том бор.

Хоналардан бирига сайёралар ва турли хил самовий тасвирлар туширилган астрономик соат ўрнатилган. Уларни соацоз Карл Швейсар ясаган.

Мазкур қаср Людвиг II нинг сирли ўлимидан бир мунча вақт ўтгач, жамоат ташрифлари учун очилган.