АҚШ Конгресси Вакиллар палатаси спикери Нэнси Пелосининг самолёти ҳаракатини Flightradar24 сервиси орқали 250 мингдан ортиқ одам кузатди, деб ёзади «РБК». 2 август куни кечқурун унинг самолёти Тайбэйга қўнди. 25 йил ичидаги биринчи америкалик юқори мансабли сиёсатчи қандай кутиб олингани ҳақида «РБК» фоторепортаж тайёрлади.
Тайбэйдаги осмонўпар бинода акс этган америкапараст ёзув, 2 август
Фото: Reuters
2022 йил июлида АҚШ Вакиллар палатаси спикери Нэнси Пелосининг Тайванга эҳтимолий ташрифи ҳақида маълум бўлди. 26 июль куни Хитой Мудофаа вазирлиги вакили Тан Кефей ташриф «ягона Хитой» тамойилини жиддий бузиши ва Хитой-Америка муносабатларига таъсир ўтказишини таъкидлади.
Фото: Getty Images
АҚШ Вакиллар палатаси спикерининг самолёти маҳаллий вақт билан 22:45 да (Тошкент вақти билан 19:45 да) Тайбэйдаги Суншань аэропортига келиб қўнди.
Фото: Twitter / @MOFA_Taiwan
Нэнси Пелосини Тайвань ташқи ишлар вазири Жозеф Ву ва АҚШнинг Тайвандаги вакили Сандра Оудкирк кутиб олди. 3 август куни эрталаб у президент Цай Инвэнь билан учрашиши кутилмоқда.
Тайбэйга учиб келганидан кейин Пелоси ўз Twitter’ига: «Бизнинг ташрифимиз АҚШ Тайванни — мустаҳкам, ёрқин демократияни ва бизнинг Ҳинд-Тинч океани минтақасидаги муҳим шеригимизни қўллаб-қувватлашини тасдиқлайди», — деб ёзди.
Нэнси Пелосини қўллаб-қувватлаш учун йиғилган намойишчилар. Тайбэй, 2 август
Фото: Reuters
Тайвань аҳолисининг америкалик сиёсатчи ташрифига муносабати турлича бўлди. Суншань аэропорти яқинида Пелосини олқишлаш мақсадида унинг тарафдорлари тўпланди. Одамлар «АҚШ, Тайвань, хуш келдинг, Нэнси» деб қўлда ёзилган плакатларни кўтариб олган.
Намойишчи Нэнси Пелосининг ташрифига қарши норозилик акцияси чоғида АҚШ байроғини йиртиб ташламоқда. Тайбэй, 2 август
Фото: Reuters
Сингапур нашри тайбэйлик жарроҳ Майк Чангнинг гапларини келтириб ўтди: «Агар Пелоси хоним қўнишга қарор қилса, Хитой ҳаводан ҳужум қилиши мумкинлиги ҳақида одамлар гапираётганди… бундан жуда хавотир олаяпман».
Американинг мудофаа сиёсати бўйича Cato Institute таҳлил марказининг тадқиқотлар бўйича директори Эрик Гомес фикрича, ташриф «бўғознинг ҳар иккала тарафига нисбатан янада йирикроқ ва ташвишлироқ воқеаларнинг шов-шувли бир қисмидир».
Кечки янгиликлар дастури чоғида Хитой Миллий озодлик армияси кемалари акс этган экран. Пекин, 2 август
Фото: Reuters
АҚШ Вакиллар палатаси спикерининг Тайванга эҳтимолий ташрифига жавобан Хитойнинг «Ляонин» ва «Шаньдун» авианосец (самолётлар учиши ва қўниши учун мосланган ҳарбий кема)лари денгизга кирди.
Фото: Twitter / @BangXiao_
«Синьхуа» маълумотларига кўра, 2 август куни Хитой армияси Тайвань ороли яқинидаги денгиз ва ҳаво ҳудудларида жанговар ўқ-дорилардан фойдаланиб ҳарбий машғулотлар бошлаган. Америкалик ҳарбийлар ҳам Тайванга яқин жойга ўз авианосецлари ва самолётларини жойлаштирган.
Хитой жануби-шарқидаги Фуцзянь провинциясида танклар колоннаси
Фото: Twitter / @porcumali
Кечки янгиликлар дастури вақтида Хитой Миллий озодлик армияси кемалари акс этган экран. Пекин, 2 август
Фото: Reuters