Бугунги кунда муздан эритиш функциясига эга бўлмаган микротўлқинли печнинг моделини топиш қийин. Аммо бу ҳақиқатан ҳам хавфсизми? «Новий очаг» нашри мутахассисларнинг бу борадаги фикри билан бўлишди.

Фото: «Новий очаг»

Музлаткич ва микротўлқинли печда гўштни муздан эритишнинг энг машҳур иккита усулини таққослаб, мутахассислар бир овоздан биринчисини тавсия қилади. Шотландиянинг Данди шаҳридаги Абертай университети профессори Костас Статхопулоснинг сўзларига кўра, маҳсулот 2 дан 6 даражагача бўлган ҳароратда бир неча соат давомида эритилиши керак. Акс ҳолда, маҳсулотда зарарли бактериялар туфайли заҳарланиш хавфи пайдо бўлади.

Микротўлқинли печ, профессор Статхопулос муздан эритишнинг яхши усули эмаслигини ишонч билан таъкидлайди. Совуқ ҳарорат юқумли касаллик қўзғатувчилари, шу жумладан E.coli бактерияларининг кўпайишига тўсқинлик қилади, гўштнинг иссиқ муҳитда кескин эриши эса бактерияларнинг сонини тахминан икки баравар оширади, бу эса турли хил овқат ҳазм қилиш касалликларига олиб келиши мумкин.

Гўштни хона ҳароратида муздан тушириш ҳам яхши эмас. Бу жараён тез амалга ошмайди ва гўшт ошхона столида бўлса, у миллионлаб патоген бактериялар билан қопланади. Шунингдек, тўсатдан маҳсулотни пишириш ҳақидаги фикр ўзгарса, уни қайта музлатиш жараёнида зарарли микроорганизмларнинг аксарияти омон қолади ва гўштни истеъмол учун яроқсиз ҳолга келтириш мумкин.