Қанчалик кўп қаҳва ва чой ичилса, тишларнинг асл оқ кўриниши йўқолиб боради. Аммо «Новий очаг» тақдим этган оддий маслаҳатлар муаммони енгишга ёрдам беради.

Фото: «Новий очаг»

Кундалик бир чашка қаҳва ичиш тишларнинг эмалида сариқ доғлар пайдо бўлишининг энг кенг тарқалган сабабларидан биридир, бу билан курашиш жуда қийин. Гап шундаки, тиш эмали микроскопик ёриқлар билан қопланган бўлиб, унда озиқ-овқат ва айниқса ичимликлар зарралари тўпланади. Агар улар ўз вақтида олиб ташланмаса, бу зарралар аста-секин эмалнинг чуқур қатламларига таъсир қила бошлайди ва тишларда доғлар пайдо бўлади.

Тишларни мунтазам ювишни унутманг

Кунига икки марта, оқартувчи тиш пастаси билан, тўғри техникада ва мунтазам равишда тишларни ювиш керак. Бу стоматологик саломатлик ва парваришнинг алфа ва омегасидир, шунинг учун ушбу фойдали одатни унутмаслик лозим.

Тиш ипидан фойдаланинг

Ипни мунтазам равишда ишлатмаслик тиш ва милк билан боғлиқ муаммоларнинг энг кўп учрайдиган сабабларидан биридир. Тиш чўткаси барча бактерияларни оғиздан олиб ташлашга ёрдам бермайди, аммо ип билан тозалаш бактериялардан мукаммал қутулиш имконини беради.

Найча орқали ичинг

Тишларга суюқлик қанча кам тегса, шунчалик камроқ доғлар ҳосил бўлади. Қаҳванинг тишларга тегишини камайтириш учун ичимликни найча орқали ичишга ҳаракат қилиш керак. Айтганча, бу ичимликни жуда иссиқ ичмасликка ҳам ёрдам беради ва шу билан томоқ саратони хавфини камайтиради.

Қаҳвага сут қўшинг

Халқаро оғиз гигиенаси журналида чоп этилган тадқиқот шуни кўрсатдики, сутда мавжуд бўлган казейин оқсили чой ва қаҳва таркибидаги танинларни (тишларда қолдиқ қолдирадиган аччиқ таъмли зарралар) тузатиб, уларнинг тишларга жойлашишининг олдини олади. Асосийси, ҳайвон сутидан фойдаланиш — казейин фақат унинг таркибида мавжуд.

Қаҳвани сув билан ичинг

Агар қаҳвадан кейин бир қултум сув ичсангиз, у суюқликни тезда ювишга ёрдам беради ва унинг тишларга чўкишининг олдини олади. Бундан ташқари, бир чашка қаҳвадан кейин бир стакан сув организмдаги соғлом суюқлик даражасини тиклашга ёрдам беради.

Қаҳвани тезда ичинг

Агар қаҳва тезда ичилса, тишларга камроқ ранг берувчи моддалар тушади ва уларнинг ранги ёмонлашмайди. Аммо маслаҳат фақат қаҳванинг куч керак бўлганда иш беради. Агар таъмга қизиқсангиз, уни хотиржам ичган маъқул.

Сақич чайнанг

Сақич чайналганда, оғизда кўпроқ сўлак ҳосил бўлади, бу тишлардан зарарли доғларни ювишга ёрдам беради. Шундай қилиб, қаҳва ичгандан сўнг 15 дақиқа давомида сақич чайнаш тишлар учун фойдали, фақатгина шакарсиз сақич тавсия этилади.